InfinBank o‘z faoliyati davomida hududiy tarmog‘ini izchil kengaytirib, zamonaviy va qulay xizmat ko‘rsatish ofislarini tashkil etishga alohida e’tibor qaratib kelmoqda. Bugun bank imkoniyatlari yana bir muhim bosqichga ko‘tarildi.
Ana shunday muhim qadamlardan biri – Termiz shahrida Bank xizmatlari markazining ochilishi bo‘ldi. Ushbu markaz hudud aholisi va tadbirkorlar uchun barcha turdagi bank xizmatlari va moliyaviy mahsulotlarni taqdim etadi. Yangi markaz aholi farovonligini oshirish, tadbirkorlik tashabbuslarini qo‘llab-quvvatlash, moliyaviy imkoniyatlarni kengaytirish hamda yangi ish o‘rinlarini yaratishga xizmat qilishi bilan ahamiyatlidir.
InfinBank bundan buyon ham mamlakat hududlarida moliyaviy xizmatlar qulayligi va ochiqligini ta’minlashga qaratilgan tashabbuslarni izchil davom ettiradi.
