UI GreenMetric 2025 xalqaro ekologik reytingi natijalariga ko‘ra, Termiz iqtisodiyot va servis universiteti nufuzli e’tirofga sazovor bo‘ldi. Reytingda 105 mamlakatdan minglab oliy ta’lim muassasalari ishtirok etgan bo‘lsa, O‘zbekistonning 38 ta OTMsi top-1000 talikka kirdi.
Ushbu ro‘yxatda Termiz iqtisodiyot va servis universiteti mamlakat OTMlari orasida 14-o‘rinni, xususiy oliygohlar kesimida esa 1-o‘rinni egalladi. Bu natija universitetda ekologik barqarorlik, yashil infratuzilma va zamonaviy ta’lim standartlariga katta e’tibor qaratilayotganini tasdiqlaydi.
