O‘zbekiston Respublikasi Prezidenti Administratsiyasi rahbarining konsultanti Nozimaxon Davletova Surxondaryo viloyatiga tashrif buyurib, “Teach for Uzbekistan” dasturi doirasida umumta’lim maktablarida olib borilayotgan ishlar bilan tanishdi.
Tashrif jarayonida maktablarda ta’lim sifati, zamonaviy o‘qitish uslublarining joriy etilishi, xususan, STEAM fanlari bo‘yicha darslarning tashkil etilishi hamda yosh mutaxassislarning ta’lim jarayonidagi faol ishtirokiga alohida e’tibor qaratildi.
Qayd etilishicha, “Teach for Uzbekistan” dasturi Surxondaryo viloyatining Muzrabot, Qiziriq va Termiz tumanlaridagi ta’lim muassasalariga mahalliy va xorijiy oliy ta’lim muassasalari bitiruvchilarini o‘qituvchi sifatida jalb etish orqali maktab ta’limi tizimini rivojlantirishga munosib hissa qo‘shmoqda.
