Bugungi kunda tez tibbiy yordam xizmatida raqamli texnologiyalarni joriy etish ishlari izchil olib borilmoqda. Xususan, dispetcherlik jarayonlari va kuch-vositalarni boshqarishga mo‘ljallangan MedData 103 elektron avtomatlashtirilgan tizimi, shuningdek, “Yandex Uzbekistan” bilan hamkorlikdagi loyiha xizmat samaradorligini sezilarli darajada oshirdi.
Raqamlashtirish natijasida chaqiruvlarni qabul qilish va brigadaga yetkazish vaqti bir necha barobarga qisqardi, tez tibbiy yordam mashinalarining yetib borish vaqti esa Toshkent shahrida o‘rtacha 10–15 daqiqagacha kamaydi. Shuningdek, tez yordamning kechikish holatlari 15 foizdan 8–9 foizgacha qisqartirildi.
Yandex Maps geokoderi yordamida manzillarni aniq uzatish va zarur hollarda ularni xarita orqali tezkor o‘zgartirish imkoniyati yaratildi. Ushbu raqamli yechimlarni yaqin kelajakda butun O‘zbekiston bo‘ylab joriy etish rejalashtirilmoqda.
