Termiz shahrida gandbol bo‘yicha 20 yoshgacha bo‘lgan o‘g‘il va qizlar o‘rtasida O‘zbekiston chempionati o‘z ishini boshladi. Musobaqada Qoraqalpog‘iston Respublikasi, Toshkent shahri hamda viloyatlardan saralangan jamoalar g‘oliblik uchun o‘zaro bahslarga kirishdi.
O‘zbekiston Respublikasi Sport vazirligi va O‘zbekiston gandbol federatsiyasi hamkorligida tashkil etilgan chempionat yosh sportchilarning jismoniy va texnik tayyorgarligini aniqlash, iqtidorli gandbolchilarni kashf etishda muhim ahamiyat kasb etmoqda.
Ma’lumot uchun, Termiz shahrida o‘tayotgan gandbol bo‘yicha U-20 O‘zbekiston chempionati 19-dekabr kuniga qadar davom etadi.
