Birlashgan Arab Amirliklarining Dubay shahrida erkaklar o‘rtasida boks bo‘yicha Jahon chempionati bahslari bo‘lib o‘tmoqda. IBA tashkiloti shaʼfeligida tashkil etilgan nufuzli musobaqada O‘zbekiston terma jamoasi aʼzolari ham munosib ishtirok etmoqda.
Mazkur turnirda O‘zbekiston terma jamoasi safida qatnashgan Surxondaryo viloyati vakili Xo‘janazar Nortojiyev 57 kg vazn toifasida muvaffaqiyatli janglar o‘tkazib, bronza medalini qo‘lga kiritdi. Ushbu natija yurtimiz boks maktabining yuqori salohiyati va sportchilarimizning xalqaro maydondagi muvaffaqiyatini yana bir bor namoyon etdi.
