Surxondaryo viloyatida Mobilografiya maktabining bitiruv marosimi bo‘lib o‘tdi. Tadbir davomida bepul o‘quv dasturini muvaffaqiyatli yakunlagan 50 nafar tinglovchiga sertifikatlar topshirildi.
Kurs jarayonida ishtirokchilar suratga olish, videomontaj va zamonaviy kontent yaratish bo‘yicha amaliy bilim va ko‘nikmalarga ega bo‘lishdi. Bitiruv marosimi hududda kreativ va media sohalariga qiziqayotgan yoshlar soni ortib borayotganini yana bir bor namoyon etdi.
Mobilografiya maktabi yoshlar uchun yangi g‘oyalar, innovatsion yondashuvlar va media iste’dodlarni kashf etish maydoniga aylanmoqda.
