Joriy yilda O‘zbekiston terma jamoasi nufuzli xalqaro fan olimpiadalarida tarixiy natijalarga erishdi. Xususan, xalqaro kimyo olimpiadasida 2 ta oltin medal qo‘lga kiritildi, xalqaro informatika olimpiadasida esa mamlakatimiz ilk bor kumush medalni qo‘lga kiritdi.
Eng muhim yangilik shundaki, 2025-yil avgust oyidan boshlab nufuzli fan olimpiadalarida oltin medal sohibi bo‘lgan har bir o‘quvchiga 1 milliard 30 million so‘mdan ortiq pul mukofoti beriladi. Shuningdek, ushbu yutuqqa erishgan har bir o‘quvchi uchun uning ustozi 185 million so‘mdan ziyod mablag‘ bilan taqdirlanadi.
Bu qaror yoshlarning ilmga qiziqishini yanada oshirish, iqtidorli o‘quvchilar va ularning ustozlarini qo‘llab-quvvatlashda muhim qadam bo‘ldi.
