Muzrabot tumanida “Shavkat Mirziyoyev — jahon miqyosidagi davlat va siyosat arbobi” nomli kitob-albomlarni ta’lim muassasalariga yetkazish tadbiri bo‘lib o‘tdi. Unda tuman hokimi Abdulla Mamatqulov, ta’lim sohasi vakillari va pedagoglar ishtirok etdi.
Tadbir doirasida umumta’lim maktablari va maktabgacha ta’lim tashkilotlariga 103 ta kitob-albom tantanali ravishda topshirildi. Ushbu nashrlar ta’lim jarayonida qo‘shimcha manba sifatida foydalanilib, yoshlarning ma’naviy dunyosini boyitish, ularda vatanparvarlik va yetakchilik fazilatlarini shakllantirishga xizmat qiladi.
