Surxondaryoda kunduzgi parvarish xizmatlari yanada kengaymoqda. Muzrabot tumanidagi “Oriyat” MFYda yangi kunduzgi parvarish xizmati ishga tushirilib, 3 yoshdan 18 yoshgacha bo‘lgan 40 dan ortiq nogironligi bo‘lgan bolalar muntazam parvarish, ijtimoiy qo‘llab-quvvatlash va rivojlantiruvchi xizmatlar bilan qamrab olindi.
Markaz faoliyati natijasida 8 ta yangi ish o‘rni yaratilgani esa mahalla aholisi bandligiga qo‘shimcha imkoniyat yaratdi. Nogironligi bor bolalar uchun qulay, xavfsiz va mehrga to‘la muhitni ta’minlaydigan ushbu tashabbus hududning eng dolzarb ehtiyojlaridan birini bartaraf etib, ijtimoiy himoya sifatini yanada kuchaytirishga xizmat qilmoqda.
