Denov tumanining tog‘li hududi — Sina qishlog‘ida infratuzilmani yaxshilash bo‘yicha belgilangan vazifalar ijrosi o‘rganildi. Surxondaryo viloyati hokimi Ulug‘bek Qosimov hududga tashrif buyurib, yangi ko‘prik qurilishi, sel yo‘llarini mustahkamlash va soy qirg‘oqlarini himoyalash ishlari bilan tanishdi.
Shuningdek, mahallalardagi tibbiyot maskani qurilishi, avtomobil bozorini zamonaviylashtirish hamda “Taraqqiyot va yetakchilik maskani” dasturi doirasidagi ishlar ko‘zdan kechirildi. Har bir manzilda mas’ullarga aniq topshiriqlar berilib, ishlar ijrosini qat’iy nazorat qilish belgilandi.
