Oltinsoy tumanida belgilangan vazifalar ijrosi o‘rganilib, viloyat hokimi Ulug‘bek Qosimov tuman markazidagi infratuzilma holati, bo‘sh binolardan foydalanish imkoniyatlari va ko‘chalarni kengaytirish bo‘yicha amalga oshirilayotgan ishlarni ko‘zdan kechirdi. Savdo rastalaridagi mahsulotlar narxlari ham o‘rganildi.
Bo‘sh binolarda xizmat ko‘rsatish va iqtisodiy loyihalarni yo‘lga qo‘yish, tadbirkorlar uchun tayyor biznes-rejalar ishlab chiqish vazifalari belgilandi. Shuningdek, “Yangi qurilish” mahallasida “Taraqqiyot va yetakchilik maskani” doirasidagi ishlar, tomorqalardan samarali foydalanish va bandlikni oshirish bo‘yicha tashabbuslar o‘rganildi.
Hududda ayrim vazifalarning sust bajarilayotgani tanqid qilinib, ishlar sur’atini jadallashtirish va aholi uchun qulayliklar yaratishga alohida e’tibor qaratildi.
