Termiz iqtisodiyot va servis universitetida “Tasviriy va amaliy san’at” to‘garagini muvaffaqiyatli tamomlagan talabalarga sertifikatlar topshirildi. Ikki oy davom etgan mashg‘ulotlarda ishtirokchilar rangtasvir, somon san’ati, resin art (smola bilan ishlash) hamda dekorativ-amaliy san’at yo‘nalishlarida o‘z ijodiy salohiyatlarini namoyon etishdi.
To‘garak yakunida talabalarning yaratuvchanlik va did bilan ishlangan asarlari ko‘rgazma tarzida taqdim etilib, ularning ijodiy yondashuvi professor-o‘qituvchilar tomonidan yuksak baholandi.
San’at inson qalbini go‘zallikka oshno etadi, ruhiyatni yuksaltiradi va tafakkurni boyitadi. Shunday tadbirlar yoshlarning estetik didini shakllantirish, ularni ijodkorlik va nafislik olamiga chorlashda muhim ahamiyat kasb etadi.
