Jarqo‘rg‘on tumanidagi 10-sonli maktabgacha ta’lim tashkilotida “Kelajak soati” doirasida quvonch va bilimga to‘la kun bo‘ldi. Bolajonlar “Yo‘l harakati qoidalari” mavzusidagi ochiq mashg‘ulotda o‘zlarini haqiqiy yo‘l patrullari kabi his etdilar!
Tadbirda Maktabgacha va maktab ta’limi bo‘limi boshlig‘i Sirojiddin Adinayev ishtirok etib, bolalarga iliq so‘zlar bilan murojaat qildi:
“Yo‘l qoidalarini o‘rganish — bu faqat dars emas, bu sizning hayotingizni asraydigan dono odatdir”.
Bolalar o‘yin, savol-javob va kichik sahna chiqishlari orqali har bir belgi, har bir qoidaning ahamiyatini quvonch bilan o‘rganishdi. Ularning ko‘zidagi chaqnash — bu xavfsiz kelajak sari tashlangan ilk qadamdir.
