Chirchiq shahrida bo‘lib o‘tgan 23 yoshgacha bo‘lgan dzyudochilar o‘rtasidagi O‘zbekiston chempionati yurtimizning turli hududlaridan kelgan eng iqtidorli yosh sportchilar ishtirokida yuqori saviyada tashkil etildi. Musobaqada dzyudo bo‘yicha yuzlab yosh polvonlar o‘z mahoratini namoyish etib, sovrinli o‘rinlar uchun kuchli raqobat olib bordilar.
Mazkur chempionatda Surxondaryo viloyatini munosib himoya qilgan Jarqo‘rg‘on tuman sport maktabining iqtidorli dzyudochisi Arslonbek Qodirov 90 kilogramm vazn toifasida yuksak mahorat, qat’iyat va irodasini namoyon etib, faxrli 3-o‘rinni egalladi.
