Termiz davlat muhandislik va agrotexnologiyalar universiteti talabalar turar joyida “27 qozonda – 27 xil osh” nomli oshpazlik tanlovi bo‘lib o‘tdi. Tadbirda turli viloyatlarga xos milliy taomlar tayyorlanib, mehmonlarga namoyish etildi.
Tanlov jarayonida talabalarning ijodiy chiqishlari, milliy kuy-qo‘shiqlar va quvnoq musobaqalar kechaga yanada shukuh bag‘ishladi.
Kechga yaqin esa gulxan atrofida “Bahrubayt” kechasi talabalar o‘rtasida do‘stona muhit va bayramona kayfiyat ulashdi.
Tadbirda universitet rektori Rasul To‘rayev ham ishtirok etdi, u talabalarning ijodiy faoliyatini qo‘llab-quvvatlash va milliy taomlarni targ‘ib qilishga alohida e’tibor qaratdi.
Tanlov g‘oliblari 17-noyabr — Xalqaro talabalar kuni tantanalarida e’lon qilinadi.
