Hukumat qaroriga muvofiq, 2026-yil 1-yanvardan boshlab O‘zbekistonda moped va skuter kabi yengil transport vositalarini boshqarish uchun “A1” kichik toifadagi haydovchilik guvohnomasi joriy etiladi.
Yangi tartibning eng muhim jihati — bu guvohnomani olish uchun avtomaktabda o‘qish shart emas. Fuqarolar mustaqil tayyorgarlik ko‘rib, 20 ta test savolidan kamida 16 tasiga to‘g‘ri javob berib, shuningdek amaliy imtihondan muvaffaqiyatli o‘tishlari lozim bo‘ladi.
Shuningdek, allaqachon “A”, “B”, “C” yoki “D” toifali haydovchilik guvohnomasiga ega shaxslar moped va skuterlarni qo‘shimcha ruxsatsiz boshqarish huquqiga ega bo‘ladilar.
Bu yangilik, avvalo, aholining qulayligi va xavfsizligini ta’minlashga xizmat qiladi. Yengil transport vositalaridan foydalanish imkoniyati kengayib, ayniqsa yoshlar va qisqa masofalarda harakatlanadigan fuqarolar uchun arzon, ekologik va qulay transport vositalaridan foydalanish osonlashadi. “A1” toifasi – xavfsiz harakat va madaniyatli haydovchilik sari yana bir qadam!
