“Ibrat farzandlari” loyihasi sun’iy intellekt yordamida o‘zbek tilini o‘rgatish modulini ishga tushirdi. “O‘zbek tili uchun” tadbirida “Ibrat farzandlari” jamoasi ushbu modulning boshlang‘ich darajadagi bepul dasturini taqdim etdi.
Dastur O‘zbekistonda ilk bor sun’iy intellekt asosida ona tilimizning talaffuzini audiolashtirib, til o‘rganishning 6 asosiy ko‘nikmasini qamrab olgani bilan ajralib turadi. Endi xorijliklar learnuzbek.ai platformasi orqali kuniga atigi 15 daqiqa ajratib, o‘zbek tilini o‘rganishlari mumkin.
