Inson sog‘-salomat bo‘lsa xotirjam fikr yuritib, zimmasidagi vazifani sidqidildan bajaradi, belgilagan rejalarini to‘liq amalga oshiradi. Ulkan marra, muvaffaqiyatlarga erishadi. Shu sababli ham Oltinsoy tumanida sog‘lom turmush tarzini targ‘ib etib, aholi salomatligini asrashga alohida e’tibor qaratilmoqda. Har bir mahallada maxsus maydonchalar, sport maskanlari qurilib, ommaviy sport bilan shug‘ullanish yo‘lga qo‘yilmoqda.
Erta tongdan tuman hokimligi tashabussi bilan sog‘lom turmush muhitini yaratish ishlarini yanada rivojlantirish maqsadida keng jamaotchilikni jalb qilgan holda “Sog‘lom hayot sari-5000 qadam!” shiori ostida sog‘lomlashtirish tadbiri o‘tkazildi. Unda tuman tashkilot rahbarlari, nuroniylar, yoshlar va keng jamoatchilik vakillari ishtirok etishdi.
