Prezident Shavkat Mirziyoyevning 2025-yil 8-oktyabrdagi PF–181-sonli Farmoni ijrosini ta’minlash maqsadida Surxondaryoda issiqxona xo‘jaliklarini rivojlantirish va eksport hajmini oshirishga qaratilgan amaliy seminar bo‘lib o‘tdi.
Tadbir Termiz tumanidagi “LAMOS AGRO ANTELLI” MChJ issiqxonasida o‘tkazilib, unda hokimlik vakillari, soha rahbarlari, issiqxona egalari va tadbirkorlar ishtirok etdilar.
Seminarda farmonda belgilangan ustuvor vazifalar, issiqxona sohasini qo‘llab-quvvatlash mexanizmlari, meva-sabzavot mahsulotlari ishlab chiqarish va eksportni kengaytirish masalalari muhokama qilindi.
Ishtirokchilar mazkur hujjat sohani modernizatsiya qilish, yangi ish o‘rinlari yaratish va eksport salohiyatini oshirishda muhim dasturilamal bo‘lishini ta’kidladilar.
