Hukumat qaroriga binoan tashkil etilgan yangi jamg‘arma — “Yashil tashabbuslarni qo‘llab-quvvatlash jamg‘armasi” — atrof-muhitni asrash, ekologik madaniyatni yuksaltirish va yoshlarning innovatsion g‘oyalarini rag‘batlantirishga xizmat qiluvchi muhim tashabbusdir. Endilikda har yili 10 milliard so‘mgacha mablag‘ ekologik loyihalarni moliyalashtirishga yo‘naltiriladi.
Tabiatga mehr va ekologik madaniyatni oshiruvchi loyihalar yo‘nalish ekologik tarbiyani kuchaytirish, yoshlar va aholida tabiatga nisbatan mas’uliyat hissini shakllantirishga qaratilgan.
Chiqindilarni qayta ishlash va yashil texnologiyalarni rivojlantirish esa barqaror iqtisodiyotning asosiy yo‘nalishlaridan biridir. Qayta ishlash tizimini yo‘lga qo‘yish, chiqindilarni kamaytirish hamda toza energiya manbalaridan foydalanish ekologik muhitni yaxshilash va resurslardan oqilona foydalanishga yordam beradi.
Yashil makonlar — ekologik muvozanatning asosi. Daraxt ekish nafaqat havo sifatini yaxshilaydi, balki iqlim o‘zgarishiga qarshi kurashda eng samarali chora hisoblanadi. Navbatdagi tashabbus “Yashil makon” umummilliy harakatini davom ettirishga hamohangdir.
Raqamli platformalarda ekologik xatti-harakatlarni targ‘ib etish — zamonaviy yoshlar auditoriyasiga eng yaqin vosita. Mobil ilovalar yordamida chiqindi sarfini kamaytirish, daraxt ekish yoki energiya tejamkorlikni o‘lchash kabi foydali tashabbuslar ommalashadi.
