Hukumatning 2025-yil 10-oktyabrdagi 637-son qarori bilan imtiyozli shartlarda pensiyaga chiqish huquqini beruvchi ishlab chiqarishlar, muassasalar, ishlar, kasblar va lavozimlar ro‘yxatini shakllantirish tartibi belgilandi.
Endilikda zararli yoki xavfli mehnat sharoitida ishlovchi xodimlar uchun pensiya huquqini aniqlash, ro‘yxatga o‘zgartirish kiritish va hujjatlarni rasmiylashtirish jarayoni yagona mezonlar asosida amalga oshiriladi.
Yangi tartib mehnatkashlarning sog‘lig‘ini asrash, mehnat xavfsizligini ta’minlash va ularning ijtimoiy himoyasini kuchaytirishga xizmat qiladi. Bu esa adolatli pensiya tizimini shakllantirish yo‘lida muhim qadam bo‘lib, ishlab chiqarish sohasida faoliyat yuritayotgan fuqarolar manfaatlarini yanada himoya etadi.
