1-oktyabrdan boshlab O‘zbekistonda moped va skuterlarni boshqarish faqat A toifali haydovchilik guvohnomasiga ega bo‘lgan shaxslarga ruxsat etilganidan xabaringiz bor. Shu bilan birga, har bir transport vositasi majburiy tartibda ro‘yxatdan o‘tkazilishi va davlat raqami bilan ta’minlanishi lozim. Mazkur tartibning joriy etilishi yo‘l harakati xavfsizligini ta’minlash, yo‘l-transport hodisalarini kamaytirish va qoidabuzarliklarning oldini olishga qaratilgan.
Yangi talablar transport vositalarining xavfsiz harakatlanishini, haydovchilarning mas’uliyatini oshirishni va yo‘llarda tartibni mustahkamlashni ko‘zda tutadi. Bu chora-tadbirlar nafaqat YTHlar sonini kamaytiradi, balki skuter va mopedlar bilan bog‘liq xavf-xatarlarni sezilarli darajada pasaytiradi.
