Ozarbayjonda bo‘lib o‘tayotgan III MDH o‘yinlari qizg‘in kechmoqda. Dunyo ahli katta qiziqish va ishtiyoq ila kuzatayotgan o‘yinlarda eng kuchli, mahoratli va chapdast sportchilar ishtirok etmoqda. Turgan gapki, bu raqobat kuchli ekanini ko‘rsatadi.
Ana shunday bahslarda yurtimiz sportchilari ham muvaffaqiyatli ishtirok etmoqda. Xususan, kamondan otish yo‘nalishida ishtirok etgan 16 yoshli Bekzod Boborajabov o‘zining yorqin chiqishi bilan barchani quvontirdi.
Surxon o‘g‘loni Bekzod erkaklar o‘rtasidagi yakkalik dasturida rossiyalik Pavel Semyonovni 7:3 hisobida mag‘lubiyatga uchratib, musobaqa g‘olibiga aylandi va oltin medalni qo‘lga kiritdi. Shuningdek, jamoaviy bahslarda ham munosib ishtirok etib, bronza medaliga sazovor bo‘ldi.
