“Qariyalarni e’zozlash haftaligi” (2–8 oktabr) va “Keksalar uchun turizm oyligi” (1–30 noyabr) munosabati bilan pensiya yoshidagi O‘zbekiston fuqarolari uchun temiryo‘l chiptalariga 20 foizlik chegirma e’lon qilindi. Bu haqda “O‘ztemiryo‘lyo‘lovchi” kompaniyasi rasmiy ravishda xabar berdi.
Chegirma kimlarga tegishli?
Ayollar uchun – 55 yoshdan yuqori
Erkaklar uchun – 60 yoshdan yuqori.
Chegirma faqat O‘zbekiston fuqarolari uchun amal qiladi va mamlakat ichidagi mahalliy yo‘nalishlardagi barcha poyezdlarga tatbiq etiladi. Bunda yuqori tezlikda harakatlanuvchi “Afrosiyob” elektropoyezdlari ushbu aksiya doirasiga kirmaydi.
Qachon amal qiladi?
2–8 oktyabr – Keksalar haftaligi
1–30 noyabr – Keksalar turizm oyligi.
Bu imkoniyat – keksa avlodga bo‘lgan hurmat ifodasi bo‘lib, ularni faol va mazmunli hayot sari rag‘batlantiradi.
