Jarqo‘rg‘on biznes va yengil sanoat texnikumida o‘quvchilar uchun “Orzularga yo‘l” mavzusida motivatsion seminar-trening tashkil etildi. Tadbir psixolog Nilufar Bo‘riyeva tomonidan olib borildi.
Seminar-treningning asosiy maqsadi – yoshlarga o‘z orzularini aniqlash, ularga erishish yo‘llarini topish, ruhiy barqarorlikni saqlash hamda hayotiy maqsadlar sari qat’iyat bilan intilishga ko‘maklashishdan iborat bo‘ldi. Tadbir davomida o‘quvchilarga:
Orzularni aniqlash va ustuvor maqsadlarni belgilash bo‘yicha amaliy mashqlar;
Hayotiy motivatsiyani oshirish usullari;
Rejalashtirish va vaqtni boshqarish texnikalari;
Stressni yengish va o‘z-o‘zini rag‘batlantirish bo‘yicha psixologik tavsiyalar taqdim etildi.
Ochiq muloqot shaklida o‘tgan seminar-treningda o‘quvchilar o‘z orzu va rejalari bilan o‘rtoqlashdi, shaxsiy qiyinchiliklar haqida so‘z yuritib, ularni yengish yo‘llarini birgalikda muhokama qildi. Tadbir ishtirokchilarda katta taassurot qoldirdi hamda ularga yangi ilhom bag‘ishladi.
Mazkur tadbir yoshlarning o‘ziga bo‘lgan ishonchini oshirish, kelajak sari aniq va rejalashtirilgan qadamlar bilan yurishga undash yo‘lida muhim qadam bo‘ldi.
