O‘zbekiston kasaba uyushmalari harakatining 120 yilligi munosabati bilan “Hududgaz Surxondaryo” GTFda xodimlarning bo‘sh vaqtlarini mazmunli o‘tkazish maqsadida sport va madaniy tadbirlar muntazam o‘tkazib kelinmoqda.
Shu doirada boshlang‘ich kasaba uyushmasi kubogi uchun minifutbol musobaqasi tashkil etildi. Saralash bosqichlari Sho‘rchi va Sherobod tumanlarida o‘tkazilib, Jarqo‘g‘onda final o‘yinlari bo‘lib o‘tdi.
Finalda “Oltinsoytumangaz”, “Denovtumangaz”, “Sherobodtumangaz” hamda filial ijro apparati jamoalari ishtirok etdi. Qizg‘in bahslarda filial jamoasi 1-o‘rinni qo‘lga kiritdi. G‘olib va sovrindorlar kubok, diplom hamda pul mukofotlari bilan taqdirlandi.
