Jarqo‘rg‘on tumani bo‘ylab obodonlashtirish va ko‘kalamzorlashtirish ishlari izchil davom etmoqda. Ayniqsa, mavsumiy gullarning ekilishi tumanimiz ko‘chalariga o‘zgacha chiroy bag‘ishlab, aholiga quvonch va ko‘tarinki kayfiyat ulashmoqda.
Yangi barpo etilgan gulzorlarning jilosi qishning sovuq kunlarida ham yuraklarga iliqlik baxsh etib, bahoriy kayfiyatni eslatib turadi. Natijada, atrof-muhit yanada fayzli, kunlar esa mazmunli va yorug‘ kechmoqda. Mazkur ezgu tashabbuslar tumandoshlarimiz hayotiga quvonch olib kirib, hududimizni tobora go‘zal va maftunkor maskanga aylantirishga xizmat qilmoqda.
