Termiz davlat universitetida “Ipak yo‘li arxeologiyasi, fan va texnologiyalar hamda madaniy merosni muhofaza qilish” mavzusidagi xalqaro trening boshlandi.
Nufuzli tadbirda mahalliy va xorijiy olimlar, jumladan, akademik Ahmadali Asqarov hamda Xitoyning Shimoli-g‘arbiy universiteti professorlari ishtirok etmoqda. Trening doirasida arxeologiya, antropologiya, arxeobotanika, arxeozoologiya hamda 3D modellashtirish kabi yo‘nalishlarda zamonaviy bilim va tajribalar almashilmoqda.
Shuningdek, ishtirokchilar Surxondaryo hududidagi arxeologik yodgorliklarda dala tadqiqotlarida qatnashadi. Mazkur hamkorlik ilmiy aloqalarni mustahkamlash, madaniy merosni chuqur o‘rganish va yangi ilmiy yo‘nalishlarni rivojlantirishda muhim ahamiyat kasb etadi.
