Qiziriq tumanida yosh avlod tarbiyasi va ta’limi yo‘lida navbatdagi muhim qadam qo‘yildi. Tumanning “Yangi hayot” mahallasida 120 o‘rinli, zamonaviy talablarga to‘liq javob beradigan 17-sonli davlat maktabgacha ta’lim tashkiloti foydalanishga topshirildi.
Yangi tashkilotda kichkintoylarning har tomonlama rivojlanishi uchun barcha sharoitlar yaratildi. Guruh xonalari zamonaviy jihozlar bilan ta’minlangan, o‘quv va o‘yin maydonchalari xavfsiz va qulay tarzda barpo etilgan. Shuningdek, bolajonlarning sog‘lom ovqatlanishi, jismoniy tarbiyasi va ma’naviy rivoji uchun maxsus dasturlar asosida faoliyat olib borilishi rejalashtirilgan.
Mazkur ta’lim muassasasining ishga tushirilishi nafaqat mahalliy aholi uchun qulaylik, balki yosh avlodni sifatli ta’lim va tarbiya bilan qamrab olish, kelajakda barkamol insonlarni voyaga yetkazish yo‘lida muhim qadamlardan biri bo‘lib xizmat qiladi.
