Termiz davlat universitetida talabalar o‘rtasida “Zakovat” intellektual o‘yini boshlandi. Fakultetlar kesimida tashkil etilayotgan bellashuvlar qiziqarli savol-javoblar, bahs va munozaralarga boy tarzda o‘tmoqda. Mazkur tadbirning bosh maqsadi — yoshlarning bilim va zukkoligini oshirish, milliy qadriyatlarni talabalar ongida mustahkamlash, ma’naviy merosimizdan faxrlanish tuyg‘usini singdirishdan iborat.
O‘yin davomida tarix, milliy an’analar, adabiyot va madaniyatimizga oid savollar berildi. Bu nafaqat talabalar bilimini sinovdan o‘tkazdi, balki ularning dunyoqarashini kengaytirib, ijodiy fikrlashini rag‘batlantirdi.
“Zakovat” orqali yoshlar o‘zbek xalqining boy madaniyati, qadimiy an’analari va zamonaviy taraqqiyoti haqida yanada chuqurroq tasavvurga ega bo‘lishmoqda. Tadbir talabalar ma’naviy kamolotiga, ularning intellektual salohiyatini oshirishga xizmat qilmoqda.
