Sherobod tuman hokimi Usmon Alimov tumanda faoliyat yuritayotgan yirik sanoat korxonalariga tashrif buyurib, ularning ish jarayonlari hamda mavjud muammolarini o‘rganib chiqdi. Tashrifning dastlabki manzili — chet ellik investorlar tomonidan tashkil etilgan “Zilantex” MCHJ bo‘ldi.
Mazkur korxona yana rivojlantirish maqsadida ijara asosida qayta ishga tushirilib, zamonaviy ta’mirdan chiqarildi.
Natijada, ilgari yo‘qotilgan ish o‘rinlari qayta tiklanib, bugungi kunda 300 nafardan ortiq fuqaro doimiy ish bilan ta’minlandi. Shuningdek, korxonada yana 100-150 nafar yangi ishchi-xodimlarni ishga qabul qilish jarayoni davom etmoqda.
Bu kabi tashabbuslar tumanda bandlikni oshirish, aholining farovonligini yuksaltirishga xizmat qilmoqda.
