Ayni kunlarda Termiz shahridagi San’at saroyi hovlisida O‘zbekiston Respublikasi davlat mustaqilligining 34 yilligiga bag‘ishlab “Vatan uchun, millat uchun, xalq uchun” shiori ostidagi madaniy-ma’rifiy tadbir o‘tkazilayotganidan xabaringiz bor. Tadbirlarning uchinchi kuni ham ko‘tarinki ruhda, qizg‘in tarzda o‘tdi.
Unda viloyat Maktabgacha va maktab ta’limi boshqarmasi boshlig‘i Xusniddin Mamadiyev ham ishtirok etib, jarayonlarni kuzatib bordi.
Sahnada “Turon maktab teatri” va “Iqtidor maktab ansambli” tanlovlarining hududiy bosqichi g‘oliblari o‘z spektakl va ijrolari bilan tomoshabinlar qalbini zabt etib, san’atning betakror sehrini ulashdilar.
Qo‘shiq va raqslar, teatrlashtirilgan sahnalar va ma’naviy ohanglar uyg‘unligi kechaga alohida fayz bag‘ishlab, barchaga unutilmas lahzalar tuhfa etdi.
