Termiz davlat universiteti Oliy ta’lim, fan va innovatsiyalar vazirligi tomonidan belgilangan grafik asosida “INNOWEEK – 2025” haftaligi doirasida “Ilmiy ishlanmalar va innovatsion mahsulotlar ko‘rgazmasi” tadbiriga mezbonlik qilmoqda. Ilmiy tadqiqot markazida viloyatimizdagi barcha OTMining loyiha planshetlari va prototip vositalari ko‘rgazmasini tashkil etish uchun barcha zarur sharoitlar yaratildi.
Professor-oʻqituvchilar, doktorant, magistrant, mustaqil tadqiqotchi va izlanuvchilarni bir manzilda jamlagan tadbir kutilganidek ishtirokchilarni yangi maqsad va ulkan rejalar sari ruhlantirdi. E’tiborli tomoni, tadbir asnosida ilmiy ishlanmalarni tadbirkorlar va investorlar bilan hamkorlikda real loyihalarga aylantirish bo‘yicha seminar-trening mashg‘ulotlari tashkil etildi.
Aytish kerakki, hozirda Termiz davlat universitetining Ilmiy tadqiqot markazida 30 ga yaqin ilmiy ishlanmalar ustida ish olib borilmoqda. Bugungi kunda shulardan bir nechtasi, jumladan: EkoGidrogel, avtomobil yo‘l bo‘yoqlari, bazalt asosli quvurlar va oltingugurtli beton loyihalari sanoat zonalarida ishlab chiqarishga qo‘yilib, iste’molchilarga yetkazib berilmoqda.
