Kinematografiya agentligi buyurtmasi bilan “O‘zbekfilm” kinokonserni” DUK hamda Turkiya davlatining “KANGURU” tashkiloti hamkorligida suratga olingan kinorejissyor Yolqin To‘ychiyevning “Ulug‘ Amir va donna Mariya” tarixiy badiiy filmining maxsus premyerasi bo‘lib o‘tdi.
Filmda Sohibqiron Amir Temurning Mojariston malikasi donna Mariyani Turk sultoni Boyazit Yildirim zulmidan ozod qilishi, buning ramziy ma’nosi sifatida butun Ispaniya ozodligi aks etgan.
Film voqealari ikki parallel yo‘nalishda rivojlanib boradi. Unda olis o‘tmish va zamonaviy hayot manzaralarining betakror tasvirlari bir-birini tabiiy tarzda to‘ldiradi.
Ma’lumot uchun, kartinaning ssenariy muallifi — Xayriddin Sulton. Filmning badiiy rahbari esa Jahongir Qosimov.
