Dalalarda loʻppi-loʻppi ochilgan paxtalar moʻl hosildan soʻzlayotgandek, fermer-u dehqonga yuqori kayfiyat bagʻishlayotir. Ana shunday shasht bilan paxta yigʻim-terimiga start berildi. Bandixon tumani, Paxtakor hududidagi “Chashma” fermer xoʻjaligining paxta dalasida yigʻim-terim ishlari qizgʻin tus oldi.
Tuman hokimi Abdumalik Allamuradov tomonidan yigʻim-terim jarayonlari, terimchilar uchun yaratilgan sharoitlar hamda paxta hosili bilan yaqindan tanishildi. Nuroniylar bilan birgalikda qoʻllar duoga ochilib, tumanning paxta xirmoniga baraka soʻraldi.
