Toshkent viloyatining Bo‘stonliq tumanidagi “Semurg‘” bolalar oromgohida “Yashil chiroq – 2025” musobaqasining respublika bosqichi bo‘lib o‘tdi. Musobaqada respublikaning turli hududlaridan saralangan eng iqtidorli o‘quvchilar jamoaviy va yakka tartibdagi 13 ta shart bo‘yicha bilim va ko‘nikmalarini namoyish etdi.
Quvonarlisi, Surxondaryo sharafini himoya qilgan Denov tumanidagi 15-maktabning “Yosh targ‘ibotchilar” jamoasi faxrli 3-o‘rinni qo‘lga kiritdi. G‘olib va faol ishtirokchilar diplom hamda esdalik sovg‘alari bilan taqdirlandilar.
