Oltinsoy tumanidagi “Ekraz” mahallasida yashab kelayotgan tadbirkor Alimardon To‘rayev o‘z jamg‘armasidan besh yuz million so‘m sarflab, mini stadion, tikuvchilik xonasi, yuvinish xonasi va savdo nuqtasi qurib foydalanishga topshirdi. Mustaqilligimizning 34 yillik shodiyonalari oldida ushbu sport inshootining ochilishi mahalla yoshlari uchun munosib tuhfa boʻldi. Ochilish marosimida tuman hokimi Bahrom Maxmatrayemov, mahalla faollari, nuroniylar ishtirok etdi.
Darvoqe, mahalla ahli necha yillardan buyon qishloqda mana shunday stadion bo‘lishini orzu qilib kelar edi. Bugun esa shu mahallada tug‘ilib voyaga yetgan Alimardon To‘rayev hamqishloqlari orzusini ro‘yobga chiqarib, ularni olqishiga sazovor bo‘ldi. Ayniqsa, to‘p tepayotgan yosh bolalarning quvonchi cheksiz.
