“Dolzarb 90 kun” loyihasi doirasida Termiz iqtisodiyot va servis universiteti magistratranti Abror Asqarov Turkiyaning Istanbul shahridagi Istanbul universitetida o‘tkazilgan xalqaro “Young Economic Security Forum (YESF) – Yoshlar iqtisodiy xavfsizlik forumi”da muvaffaqiyatli ishtirok etdi.
Abror Asqarov mazkur nufuzli forumda to‘liq moliyalashtirilgan grant asosida qatnashib, dunyoning turli mamlakatlaridan tashrif buyurgan yosh yetakchilar bilan bir safda bilim va tajriba almashdi. Ushbu xalqaro anjuman yoshlar uchun xalqaro muloqot qilish, global hamkorlik tarmog‘ini yaratish, shuningdek, liderlik va strategik fikrlash ko‘nikmalarini rivojlantirish uchun muhim maydon bo‘lib xizmat qildi.
