Prezidentimiz tashabbusi bilan tibbiy xizmatlar sifatini oshirish va zarur sharoitlarni yaratish maqsadida “Tibbiyotda 90 kunlik o‘zgarishlar” dasturi amalga oshirilayotganidan xabaringiz bor. moqda. Viloyat hokimi Ulug‘bek Qosimov Qiziriq tumanida mazkur dastur ijrosi bilan tanishdi.
“Yangiobod” oilaviy shifokorlik punkti va tuman ko‘p tarmoqli markaziy poliklinikasida yaratilgan sharoitlar ko‘zdan kechirildi. Mutasaddilar tomonidan barcha tibbiyot muassasalarida amalga oshirilayotgan ishlar va yaratilayotgan imkoniyatlar yuzasidan axborot berildi. Patronaj hamshiralari faoliyatini samarali yo‘lga qo‘yish, uy sharoitidagi bemorlar, yolg‘iz va yordamga muhtoj qariyalarning holidan muntazam xabar olish zarurligi ta’kidlandi. Shuningdek, “Elektron poliklinika” tizimidan samarali foydalanish masalalari ko‘rib chiqildi.
