“Navbahor”liklar uchun sovgʻa

Mustaqilligimizning 34 yilligi munosabati bilan yurtimiz boʻylab “Vatan uchun, millat uchun, xalq uchun!” shiori ostida qurilish bunyodkorlik ishlari amalga oshirilmoqda. Xususan, Bandixon tumanida aholi uchun munosib sharoit yaratish maqsadida mahallalar infratuzilmasi yaxshilanib, juda koʻplab amaliy ishlar bajarilmoqda.
Tumanning “Navbahor” mahallasi Bunyodkor yoshlari koʻchasining 2 200 metr qismida asfalt yotqizish ishlari boshlab yuborildi.
“Yaqinda tumandagi nuroniylar ishtirokida mahallalardagi koʻchalarning asfalt boʻlganini borib koʻrib, bizning koʻcha ham asfalt boʻlsin deb havas qilgandik. Qarangki, bugun bizning koʻcha asfalt boʻlyapti. Bu biz uchun mustaqillik bayramiga tuhfa boʻldi” – deydi mahalla nuroniylari.