Surxondaryo viloyati hokimi Ulug‘bek Qosimov Denov tumanida amalga oshirilayotgan yangi loyihalar va tashabbuslar taqdimoti bilan tanishib, “Chorgul” mahallasida amalga oshirilgan ishlarni ko‘zdan kechirdi. Avvalo, yangidan qurilgan mahalla idorasi nuroniylar va faollar ishtirokida tantanali ravishda foydalanishga topshirildi.
Barcha shart-sharoit va imkoniyatlar yaratilgan binoda mahalla faollari bor imkoniyat, bilim va tajribalarini ishga solib, aholi muammo va tashvishlariga munosib yechim topishadi. Mahallani har tomonlama rivojlantirib, keng imkoniyatlar yaratishda o‘z hissalarini qo‘shishadi. Ochilish marosimida yuqori kayfiyat, o‘zlariga bo‘lgan yuksak ishonch bilan boqayotgan faollarning ko‘zlariga boqib, ayni shunday ma’noni uqish mumkin.
