Termiz shahar sport maktabi hududidagi «Alpomish arena» sport majmuasi ko‘plab sport musobaqalariga mezbonlik qilayotganidan xabaringiz bor. Ushbu musobaqalar yangidan yangi iqtidorlarni kashf etib, yuzaga chiqarmoqda. Bu safar ham mahallalarda istiqomat qiluvchi 30 yoshdan yuqori aholi o‘rtasida «Mahalla ligasi» sport musobaqalari bo‘lib o‘tmoqda.
Mazkur ligada ishtirokchilar mini-futbol, voleybol, stol tennisi, stritbol, vorkaut, shaxmat va shashka kabi sport turlarida o‘zaro bellashadilar. Musobaqaning asosiy maqsadi — aholining sog‘lom turmush tarzini targ‘ib qilish, mahallalarda sport muhitini yanada kuchaytirish va aholining faol ishtirokini ta’minlashdan iborat.
