Majburiy ijro byurosi Muzrabot tuman bo‘limi ish yurituvida bo‘lgan aliment undirish to‘g‘risidagi ikkita ijro hujjatlari muddatidan oldin tamomlandi. Tumanning “Gulobod” mahallasida yashovchi Rahimovlar oilasida er va xotinning o‘zaro tortishuvlari jiddiylashib, oila ajrim yoqasiga kelib qolgan edi. Byuroning tuman bo‘limi davlat ijrochilarining sa’y-harakati bilan atigi 3 yil avval katta hayot ostonasiga qadam qo‘ygan yosh oila vakillari o‘zaro yarashtirib qo‘yildi. Ikki nafar farzandlar ota-onasi bag‘rida ulg‘ayadigan bo‘ldi.
Xuddi shu kabi Botirovlar oilasidagi o‘zaro kelishmovchiliklar ham barham topdi. Oilaning o‘zaro yarashtirish choralari ko‘rildi. Tushuntirish targ‘ibot ishlari natijasida oila vakillari o‘zaro yarashishga qaror qildi hamda voyaga yetmagan uch nafar farzand ota uyiga qaytarildi. Oilalar o‘zaro yarashganliklari munosabati bilan aliment undirish to‘g‘risidagi ijro hujjatlari bo‘lim ish yurituvidan tamomlandi hamda aliment to‘lovchilarga nisbatan qo‘llanilgan barcha cheklov choralari bekor qilindi.
