Surxondaryo viloyatidagi 967 ta umumta’lim maktabining 904 tasi yangi o‘quv yiliga to‘liq tayyor holga keltirildi. Qolgan maktablarda ham ta’mirlash va jihozlash ishlari bosqichma-bosqich amalga oshirilmoqda. Xususan, Termiz tumanidagi 33 ta maktabdan 32 tasi yangi o‘quv yilini boshlashga tayyor. Yana bir maktabda esa ta’mirlash ishlari yakuniy bosqichda olib borilmoqda.
Shu bilan birga, Prezidentimiz tashabbusi bilan amalga oshirilayotgan “Tibbiyotdagi 90 kunlik o‘zgarishlar” dasturi doirasida sog‘liqni saqlash tizimida ham muhim islohotlar yo‘lga qo‘yilmoqda. Aholiga qulay va sifatli tibbiy xizmatlar ko‘rsatish uchun zarur infratuzilma va sharoitlar yaratilmoqda. Jumladan, Termiz tumanida 1 ta ko‘p tarmoqli va 2 ta oilaviy poliklinika hamda 5 ta oilaviy shifokorlik punktida xizmat sifati va sharoitlarini yaxshilash maqsadida 1 mlrd so‘m mablag‘ ajratildi.
