Ezgu intilishlarga qanot bag‘ishlovchi ham, inson manfaatlari yo‘lidagi islohotlar muvaffaqiyatini ta’minlovchi qudratli kuch – mustaqillikdir. Bandixon tumanidagi Madaniyat uyida Jonajon Vatanimiz mustaqilligining 34 yilligi munosabati bilan “Vatan uchun, millat uchun, xalq uchun” shiori ostida “Umumilliy birdamlik festivali” o‘tkazildi.
Tadbir avvalida “Bo‘sh ish o‘rinlar mehnat yarmarkasi”, sport musobaqalari, milliy taomimiz osh sayli tashkil etilib, Barkamol avlod bolalar maktabi tomonidan qo‘l mehnati bilan tayyorlangan hunarmandchilik buyumlari namoyish etildi. Unda O‘zbekiston xalq artisti Mansur Toshmatov, O‘zbekistonda xizmat ko‘rsatgan artist Hamid Toshpulatov, O‘zbekistonda xizmat ko‘rsatgan madaniyat xodimi Zulfiya Mo‘minova hamda xonanda Sevara Tulakovalar ishtirok etib, ular tomonidan vatan madhini kuylovchi qo‘shiq va she’rlar ijro etildi.
Tadbir ishtirokchilarga yuqori kayfiyat va energiya bag‘ishladi.
