Oʻquvchi-yoshlarga munosib sharoit yaratish maqsadida Surxondaryo viloyatidagi ta’lim muassasalarida keng ko‘lamli ishlar amalga oshirilmoqda.
Xususan, O‘zbekiston Respublikasi Prezidentining 2024-yil 24-dekabrdagi PQ–454-sonli qarori asosida 8 ta yangi maktabgacha ta’lim tashkiloti qurildi, 19 ta bog‘cha rekonstruksiya qilindi, 4 ta yangi umumta’lim maktabi barpo etildi. Shuningdek, 22 ta maktab rekonstruksiya qilinib, 9 ta maktab mukammal ta’mirlandi.
Bundan tashqari, Vazirlar Mahkamasining farmoyishi asosida Boysun tumanidagi 4 ta maktab joriy ta’mirlandi.
Mahalliy byudjet hisobidan esa 27 ta maktab tanlab olinib, 19,8 milliard so‘m evaziga ta’mirlandi.Termiz shahridagi 2 ta MTT hamda 2 ta maktabda joriy ta’mirlash ishlari olib borilmoqda.
