Ijtimoiy reabilitatsiya jarayonidagi fuqarolarni ish bilan ta’minlash, ularning mehnat bozoriga moslashuvchanligini oshirish hamda jamiyatga foydali a’zo sifatida qayta integratsiyasiga ko‘maklashish bosh maqsadimizdir. Ayni maqsadda Termiz shahar Ichki ishlar bo‘limi Jamoat xavfsizligi xizmati Probatsiya guruhi tomonidan, Termiz shahar Kambag‘allikni qisqartirish va bandlikka ko‘maklashish bo‘limi bilan hamkorlikda probatsiya nazorati ostida bo‘lgan fuqarolar uchun bo‘sh ish o‘rinlari mehnat yarmarkasi tashkil etildi.
Yarmarka doirasida fuqarolarga mavjud bo‘sh ish o‘rinlari, kasb-hunar o‘rgatuvchi kurslar haqida batafsil ma’lumotlar berildi. Natijada 6 nafar ishtirokchi ish bilan ta’minlandi, 5 nafari kasb-hunarga o‘qish istagini bildirganligi bois, ular tegishli ta’lim muassasalariga yo‘llanma asosida yuborildi. Bu kabi tadbirlar probatsiya hisobida turgan fuqarolarni ijtimoiy qo‘llab-quvvatlash, ularning bandligini ta’minlash hamda jinoyatchilikning oldini olish borasida muhim ahamiyat kasb etadi
