Aholiga madaniy xizmat ko‘rsatish darajasini yanada oshirish maqsadida Angor tumanida navbatdagi madaniy tadbir tashkil etildi.”Sharq guli” mahallasida joylashgan Madaniyat uyida “Keling, bir kulishaylik” nomli kulgu tomoshasi bo‘lib o‘tdi. Mazkur tadbir aholi, xususan, yoshlar kayfiyatini ko‘tarish, bo‘sh vaqtlarini mazmunli o‘tkazish hamda madaniy-ma’rifiy muhitni yanada boyitishga xizmat qildi.
Tomosha davomida taniqli aktyorlar ishtirokida sahnalashtirilgan hazil-mutoyiba sahnalari, turli kulgili chiqishlar va musiqiy dasturlar mehmonlarga bayramona kayfiyat ulashdi.
Tadbir ishtirokchilari bunday tashabbuslar xalqimizning madaniy ehtiyojlarini qondirish, san’atga bo‘lgan qiziqishni oshirishda muhim ahamiyat kasb etayotganini alohida ta’kidladilar.
