Surxondaryo viloyati Maktabgacha va maktab ta’limi boshqarmasi boshlig‘i Xusniddin Mamadiyev boshqarmada Xitoyning “Watchman Group” kompaniyasi vakillarini qabul qildi. Uchrashuv davomida O‘zbekiston va Xitoy o‘rtasidagi hamkorlik aloqalarini yanada mustahkamlash, xususan, Surxondaryo viloyatidagi maktabgacha ta’lim tashkilotlari va umumiy o‘rta ta’lim maktablarida zamonaviy energiya tejovchi texnologiyalarni joriy etish masalalari muhokama qilindi.
Tomonlar maktab va bog‘chalarga quyosh panellari o‘rnatish, muassasalarni modernizatsiya qilish va infratuzilma loyihalarini amalga oshirish bo‘yicha o‘zaro fikr almashdilar hamda kelgusida amalga oshiriladigan bunyodkorlik ishlari yuzasidan dastlabki kelishuvlarga erishdilar. Hamkorlikdagi loyihalar doirasida amaliy ishlar joriy yilning sentabr oyidan boshlanishi ma’lum qilindi.
Mazkur tashrif ikki tomonlama hamkorlikni yangi bosqichga olib chiqishda muhim qadam bo‘lishi kutilmoqda.
